Graaduus (Monika Schär)

im Schlager singe's nome vom einte
ned ganz diräkt, aber doch ganz klar
s'tönt choge schön ond zouberhaft
töif romantisch ond ganz wunderbar

Dütsch ond düütli; vom Ficke händ sie's
vom Bumse, Sex ond vom Poppe ou
aber so darf me's jo of kei Fall säge
s'heisst "Liebi mache", sösch besch e Sou

Prechorus
i weiss ned, wär's erfunde het
aber Ricola ganz sicher ned

Chorus
graaduus, säg's eifach graaduus
säg was Du dänksch ond dänk ned z'vöu noh
de chonnt ou sicher jede druus
graaduus, säg's eifach graaduus
lass d'Blüemli ond d'Verziehrig wäg
söscht bechomi de Dornröösli-Blues

all die guet zahlte Lüüt im Bundeshuus
haue immer wieder chräftig of e Tisch
sie verzelle viel ond halte ihre Standpunkt fescht
aber niemer weiss genau, wele das esch

de einzig wo no seit ond macht was är dänkt
esch de Gölä, s'Sprachrohr vo de Nation
är seit's eso, wie's jede ander wörd säge
ond macht kei Frömdsproche-Proklamation

Bridge
mer rede ond verstöhnd eus ned
de heissi Brei bliibt heiss
es goht wahrschiindli nome drum
dass Du ned weisch, was i weiss